2008.08.29
無名份的浪漫
作詞：林夕 作曲：Juwie & Hassan 編曲：盧東尼
從未試過這恐懼 彷似孩童被降罪
從未聽過這種話 使我緩緩滴了淚
當你自認這份情感千樣不對
當你自問繼續迷戀等如有罪
當你用未用過的神情來回望我
剎那間更像愛侶
＊從未見過你的臉 幽怨迷離像眼前
從未試過這滋味 苦澀茫然又帶甜
當你默默道別而不知是否會再遇見
當你慢慢蕩入人海之前已在懷念
一剎浪漫在這關頭如像慢鏡
看一生也未看厭＊
＃臨離別的浪漫 卻又來得太晚
為何夢幻在分手一刻最燦爛
無名份的浪漫 最後留低慨嘆
時間能否轉慢＃
從未試過這麼亂 彷似無情但有緣
迷亂撲朔這關係 今晚柔情地了斷
REPEAT＊＃＃
不知為何有哼著「無名份的浪漫，卻又來得太晚，為何夢幻在分手一刻最燦爛，無名份的浪漫，最後留低慨嘆」，既然哼出了，我就想搵番黎聽吓。 係youtube搵到93年的演唱會版，原來le首歌係十多年前的歌曲，真的莫名的哼了起來，可能這句詞真的很中吧... 我翻看了整首歌的歌詞，我發現歌詞上半部分精緻細膩，回想當天的那一刹，過去的那一種情景，希望你真的動過了情... 回想．過去，原來曾經的一切都經已逝去，根據歌詞的最後一句「迷亂撲朔這關係 今晚柔情地了斷」，我相信，在幾年前為我慶祝生日的那一個晚上，你我的一切都已經作了個了斷......
00:40 發表於 獨「樂」樂 | 永久網址 | 留言 (0) | Email this
2008.08.09
出海
A wonderful trip.
明明6/8/08(星期三)打緊8號風球，我仲要係公司返工返足30小時~ 又煩又悶。 本來一直期待的9/8/08(星期六)的游船河活動，但因著天氣惡劣，我都不敢奢想。
今日，天朗氣清，心情極佳的走到西貢3號碼頭上船。 今次我只係扯人衫尾，搭上搭的，我仲怕會太悶，會格格不入的，幸好～個ice breaking games都幾好，加上成班年青人的熱情，仲有個肯負責任的主持～整體氣氛都ok的。 午飯過後，可以出去滑水，跟住仲可以坐船到岸附近，我可以節省不少氣力(你知啦~我唔識游水架嘛)，走到上沙灘玩沙灘特別版ruby(~woo~大家都玩得落力，完全無隔膜)；打完ruby仲可以打吓沙排，好彩有幾個打得吓的～正～ 最厲害的就係我可以圏住水泡自己游返上船～好攰呀～
我想講，今日的午餐係由他們(男仔)自己整的，仲買咗好多飲品添~
今日整日感覺良好，又有隨團攝影師～我諗點都會有番幾張相的，仲有事前事後的團體照呢～haha～
救人記~坐船到岸邊附近之時，睇到一對男女正向一名男人游過去，我船人本以為佢地係同我地同ship的，所以問佢地係咪玩滑水，但佢地冷靜的回應道：有人浸親。我地起初都望吓佢地個樣，再望吓男人個樣，就感覺真的有點唔妥，於是，船家就走過救咗個男人。 而最奇的就係前去救人的一對男女與溺者並不認識的，而我地都只係做個順水人情。 嬉山莫嬉水，你一支「羹」就唔好出去玩水喇，要搵多d人陪，以策安全。
喜歡你 ;) A wonderful trip
20:55 發表於 「娛」樂無窮 | 永久網址 | 留言 (0) | Email this