浮游世界‧珍惜身邊點滴

忙碌忙碌 ~ 明明就是一個工作忙碌的月份，但我仍未病倒暈倒，仲可以攞兩三日time off添~　是我抵抗能力高咗，還是我hea咗好多呢~

Anyway，我都希望一切順利，唔好"hi"野。 仲有一個多月，要捱埋佢呀! (好彩唔使我開池啫)

手腳忙忙碌碌，感覺就好似機械人一樣，office hours就做office的工作，一off duty，我就真係唔想再做公司野。 OFF之後的一切種種我都唔係好記得架喇。

係二月le個充滿人緣的日子，筆者出席了不少的約會，至今為止，已經出席了十多次聚會，有d係一日走兩場，有d係見完又見。 這幾個星期所發生的事有如過眼雲煙似的，有好多野我都唔係好記得，就好似一兩個星期前發生的事情，我都唔係記得好清楚，快樂傷痛過後，我都把這瑣事拋諸腦後，所有所有都好似相隔好遠咁樣。 無論開心的傷心的，(我知我情緒大)都會一迅即逝，好多野都唔係好深刻；係我無記性，係我唔識得珍惜，還是什麼什麼呢...???

不過，每次同朋友吹水、飲野、食飯，都係一件開心事，希望你在其中也感受到當中的真快樂啦！

我真係好攰好攰~ 訓極都唔夠呀!

朋友係party搞手，佢更係會益我啦，鮮玩facebook的筆者也在facebook內add咗party裡的人。

又咁啱得咁橋，party人佢邀請咗我去參加「暖笠笠情人節BBQ」HAHA~幸得BILLY邀請，我梗會出席啦～

不過情人節裡最驚喜的，都係搞手阿Mark送上玫瑰花比出席BBQ的每位女士~~~ 我咁大個女，第一次係情人節收玫瑰花的~~~ hahaha~~~

而最後阿Mark亦都為我送上了一個驚喜，唔知點解阿Mark知道&記得我生日，突然借題向在坐gather的人講，跟住佢地就唱咗首生日歌我聽喇~~~

HAHAHAHA~~ 多謝各位~ 多謝Billy~ 多謝阿Mark~

那低沉磁性的聲線，溫柔地道出每句說話，觸動了我的信任

那豪邁奔放的笑聲，幽默地打破兩者距離，攝住了我的心神

我好想好想向你這大哥哥細訴我的一切，細訴這些日子裡不堪憶記的一切，好叫我在你那裡得到啟發，得到安慰．

喜歡．喜歡這樣被你嬉哄；喜歡．喜歡這樣輕鬆愉快的與你交流．　

多謝你的來電～

無人夠李澤楷咁仆街~

一來：李澤楷的行為真係好仆街，仆街程度可謂無人能及 (電訊盈科私有化)
二來：你的生活唔會夠李澤楷咁仆街 (咁樣樣，啫係你地個個都應該生活得幾好啦)
三來：你的行為唔會夠李澤楷咁仆街 (咁樣樣，啫係你地個個衰極都有個限度啦)

原來民主黨的鄭議員都唔係咩好人囉~ (被人抄牌罰分，但又唔去交告票)
民主黨的議員又漏補資產......又北上尋歡......海嘯中自己逃命回港又唔會去幫吓異邦中的香港人......

唉~~~ 唉~~~ 唉~~~

咁樣~~~ 香港會好嗎???  香港會係個可以安居樂業的地方嗎???

一談及政治~ 我無乜話邊個黨羽好。 我只係想當政治的你實事求事啫~~~ 

p.s. 我並未持有電盈資產... 但李~真係人人得如誅之囉，你咁無道德。

規則：當你被人tag了左，就要寫一篇note，內含16項有關你的事情，習慣，喜好，目標....或任何各不相干但有關你的東西。最後tag另外16人。
我tag了你，是因為我想更深入的認識你。

rule: if u r tagged by someone, then please write a note, in it, write 16 things about yourself, they can be your habits, favourites, goals ... anything that doesn't need to be related to each other but should all be about yourself. Then tag your note with 16 people, remember one of them is the one who sent u this note, if i tagged u, it means that i want to know more abt u.

1. 例遲15分鐘，好多時連工作都唔會例外。 
(約我出街，你要預15分鐘比我遲到喎~ 但我最唔中意一夠鐘你就打電話黎催促我囉 :( )

2. 我最中意就係訓~
(訓覺o既時候無必就唔好嘈醒我啦~ 我會發脾氣架~)

3. 臉黑黑~ 如果我唔笑，我個樣就會極邪惡，會嚇親你架~
(所以我唯有成日笑啦 :( )

4. 近期比較喜歡講難gag
(其實我並無這嗜好，只係唔想氣氛太沉悶啫。)

5. 其實我都會享受沉靜的一刻
(雖然個個人都認為我係勁多口勁外向，但我都會靜下來的,我勁講野之因為唔中意咁大班人一齊都無話可說的那種冷清。)

6. 無記性
(有好多野都唔記得，但我覺得我只係選擇性失憶啫~haha~ 如果有d重要野我唔記得咗，你就提吓我啦！)

7. 唔晒得，但我都會戶外活動的~不過要勁搽防晒囉！
(在普通夏天日子，無搽防晒，只要晒一個鐘左右皮膚就會起紅點~　試過天陰時在戶外做球證，只係搽咗一次防晒啫～跟住返到屋企就發現自己已經變咗隻紅卜卜的燒豬。)

8. 唔食得韮菜，青椒　
(因為食完之後就會反胃，有次仲嘔添)

9.  搭車唔可以睇書/打機，因為我必會頭暈。(原來睇相都唔係咁得呀!)　
(有次暈暈吓返到屋企訓足一日。)

10. 鍾意去旅行
(可能有能力啦，所以都會想去旅行，去多D地方睇吓。)

11. 好細膽!!!
(所以唔敢聽鬼故~ 唔敢睇鬼戲~ 唔敢海洋公園哈佬喂~)

12. 感情豐富 ~ 無論對人或對事(私事)都會感情用事。
(睇戲會有墜入感，遇到感動位，導演要我喊，我就會喊比你睇。)

13. 好少睇書，只會睇吓D小故事:例如《小王子》這類型的書，又或者名人金句個D哲哲地散文啦。
(可能我的閱讀能力有限呱，好多時都會只係睇電影及動畫~HA~)

14. 好少搵人
(無論係搵人幫手還是打電話搵吓朋友，我都好少主動去搵人，所以哩～你要多D主動搵吓我喇。)

15. 成日掛在口邊話想減肥，但其實我唔會減肥囉，因為食唔飽係一件大慘事。 我諗我只係會想keep fit 啫~

16. 有人話網絡係虛擬世界，但我覺得blog中的我比現實更為真。

講得o既~我都係到講咗~ 唔講得o既~又或者唔覺意係到講埋~

p.s. 基於第14項，我都唔係好想tag人添~ haha~
但我都會係facebook tag人。

之前曾經係網絡上渴望被人tag中，一齊玩玩網上流傳的文章，好叫有人去識得我。但奈何，我從來未被人tag過，就算被人tag咗，我最終都無寫到。

但可能時間耐咗，寫blog的心情都唔一樣~ 我曾經同人講過，就算le到無人黎~我都會繼續寫，就當作是一個記錄罷～　話晒，我都係一個無記性的人嘛。

我有開facebook account，但我好少玩，不過近日我係facebook到被人tag咗寫「16項關於我的事情」~ 花咗d時間，終告完成。

及後，又被人tag Q&A 37題，感覺多了點熱情 HAHA

我會寫埋 Q&A 37題架~~~