浮游世界‧珍惜身邊點滴

我曾經講過~ 為咗改變一吓自己，我會買對大眼件黎玩吓，等自己靚D，對眼精靈D。

為咗稍後的約會，我終於買咗10對日本製的Perfect Eyes One Day棕色大眼仔黎試吓，今日我就試戴咗喇~ 但效果未如理想... 左眼唔係太舒服，而最重要的是-大眼仔對我黎講作用並不大，再差D咁講句-大眼仔有色範圍同我o既眼珠差不多，我諗多咗一條好幼的棕色線圏，可以令粒眼珠firm D囉。

哎~感覺好似好蝕添，明明見到個朋友戴咗效果好好的~~ 眼細o既人可以用大眼仔整靚對眼，而擁有眼大優勢的我已經唔再係咩優勢lu~  :(
從另一角度而言，咁都好，證明我天生麗質(令人毛管棟)，唔使浪費咁多錢買大眼仔囉~ (但其實我連con都好少戴)

看到別人對某團體的忠愛及嚮往，我渴望擁有這種熱愛，但奈何我偏感覺孤清。 其實我並不是孤芳自賞的那種人：我曾經參與過不同的組織，不同的團隊，不同的小組聚會，但我覺得自己並未隸屬於任何一個。 我渴望被看見，但我又不擅表演；我渴望被擁有，但我又未被馴服。 這種矛盾吊詭的思想行為，讓我的人生好像欠缺了什麼似的，大概是少了點依靠和歸屬感罷。  是團體不曾屬於我，還是我未想融和。 來來往往，花了時間，用過心機，但結果卻像從未投入過。 (回看那些日子都曾經豐富過) 是我三分鐘熱度未能堅持到最終，還是我根本唔適合隸屬於任何一個？

喜歡人聲頂沸的熱鬧嬉哄，我喜歡自我縮小的感覺，所以我想擁有我的團隊精神。 有了我所信奉的團隊，這樣我便可以依為軸心，跟從我相信的而行，無需要係到左思右想的追尋我未認知的自我。
有朋友問過我「其實，你知唔知你自己想點？」 嗯~其實，我知我自己想點，但好多時我會以別人為先，所以我想點係某程度上已經變得唔重要，自我並唔強烈，好多時我都無乜所謂呢~尤其在拒絕別人的時候，我就會變得比較雞婆。　唉～只怪我的ID實在太模糊了，所以我特別欣賞有主見及有領導才能的你。 (雖然我都有，但我唔想用。)

http://home.ied.edu.hk/~ylli/html/reference_p2.htm
http://hk.geocities.com/yalpoon/self001.htm
http://www.acei-hkm.org.hk/Publication/FF-14-Chan%20KW%20...
http://hk.geocities.com/yalpoon/HR001.htm

明明是渴望被擁有，但最終仍未有所得。 是我心野不想被馴服？ 是我根本不懂得去融和？還是我......

在這些流離浪蕩的日子裡，神經刀的我開始變得越來越古怪，變得毫無習慣，時間顛倒，生活飄忽不定，就好似過著遊牧的生活，乜都可以自己一個人，一個人行街，一個人去睇戲，一個人唱K，一個人食飯，一個人去旅行...... 假若有天我可以自戀得與自己拍拖，你就要話我知，因為我可能已經癲咗......

突然羨慕別人的團隊精神，可能是我演自己演得太勞累，想躲懶的找個依靠罷。

woo~~~ 草蜢又開演唱會喇~ 其實我並唔係草蜢的粉絲，但我第一次睇草蜢林狗發花癲的時候真係very high-per high-per，encore 再 encore，真係好正。

今年草蜢開演唱會，幸得友人詢問及幫手買飛，所以我們一行8人便齊到香港紅磡體育館欣賞2009年4月3日第一場2009草蜢忘我演唱會。　今日仲有「有型‧細」提供的勁粗熒光棒，真係fing到我手振呀~

今次個舞台無咩花巧野，感覺就似一個馬戲的帳幕，場石有d似木或石花紋，中間放咗一串由木杌疊成的好有藝術感的道具。
http://hk.video.yahoo.com/video/video.html?id=1512431&...
http://hk.video.yahoo.com/video/video.html?id=1512368&...

草蜢更係要跳跳吓架啦~一黎更唔少得o既就係快歌+熱舞。 佢地3個加埋都百幾歲啦~但都真係寶刀未老，睇得‧跳得‧又唱得，又屬又識得搞氣氛，真係好掂呀！ 雖然我識的歌曲有限，但一唱到B段，我地都總會哼得出來。 過度high-per的我，第一二part隻手已經好攰，因為佢地實在太妖太正，還有勁重4拍的歌曲和草蜢的舞步，超係八九十年代的熱情。

好彩有一part係慢少少的，草蜢一口氣翻唱三首師傅阿梅的歌曲，有一首仲要係清唱添，阿傑把聲真係有幾分似阿梅架，加上阿智及阿細的和聲，整首歌的感覺好豐富，亦都可以睇到草蜢努力練歌得來的成果，相信阿梅在天之靈睇到le個show都會覺得高興，因為草蜢就是擁有了舞台的那種星味。

壓軸，梗係唔少得一part快歌，但我唔太like佢地串燒歌曲的編排，可能我唔太熟d歌呱，真係無乜共鳴。 反之係紅館玩吓人浪又真係幾好，唱番首慢歌，大家手握住手的擺動吓，這一快一慢的互動又真係幾好feel。 3個加埋百幾歲，身形仲操得好fit，又跳又唱足全場真係唔野少。 唔計阿傑前deep後deep+see through，最重要係佢地到咗最後都按捺不住除咗件上身衫大跳大唱，3對大波&18塊腹肌(我相信佢地係有打陰影的)，仲要扭動蛇要跳出sexy舞步真係殺晒全場，將氣氛推到極高漲！

High-per草蜢忘我演唱會的後遺症就係雙手肌肉酸痛，還不時哼出草蜢的歌曲(就算哼出不同的歌唱，但黎黎去去都只得副歌幾句~haha~)
我真正的明白到何謂"忘我演唱會"的道理；就是要你忘了自己，腦海裡只剩下草蜢的歌曲及其演唱會．

p.s. 睇演唱會之前去咗新記食豬頸肉芝士撈公仔面 (豬頸肉好好味，芝士撈面就似白汁芝士撈面，感覺一般啦，對於近期的我黎講就膩咗少少，真係一碗乜都夠)
p.p.s. High-per過後，我都唔想咁早就散，一齊去飲杯野啦！

平時不修邊幅的架著眼鏡，眼圏大大，沒精沒神的著T-shirt牛牛褲加波鞋。 我諗我公司的朋友真係無人會想過我會這樣。 今日一齊食飯，我梗會打扮一吓啦(其實平時同我出街的你都應該會見過架喇)  但今晚我有點意外收穫，因為我聽到(比較少傾計的)佢地話我今晚幾靚喎~haha~ 真係有d沾沾添~haha~ 比人讚的感覺真好~

改進版: 配合斯文少少的衣著~預計著裙啦(黎緊夏天要諗諗點樣遮住對甲組腳&粗手臂)；帶對大眼仔加大對眼；帶條斯文的銀鍊；再帶對大圏耳環(加上曲髮，應該不錯吧~估計)......
Mandy~我咁樣，希望OK啦!  等你confirm時、地、人、事......

WOO~~ 剛收到4月份roster的draft，真係忙到要無限復活先可以捱得過這個復活節。　嗯~唔知點解係夾黎夾去，搞黎搞去，並在陰差陽錯之下，我係4月頭兩個week的返工日子都係逼得滿滿的，2-9日每日都有office hours，相信仲要OT添...　反而過咗復活假過後，我就真係可以有時間復活了，閒時返兩三日又放有兩三日，搞到好似真係唔使做咁~~~

唉！ 這一吓地獄一吓天堂的日子，真叫人難捱...

期待4月13日以後的假期！

香港人會有好多的流行術語~~「窄窄地」你又聽過未?

「窄窄地」好明顯係一個形容詞，係屬於空間感的一個形容詞。你可以話條路窄窄地，氣管窄窄地...

「窄窄地」的流行術語都係一形容詞，形容d人能力不第，無乜才幹。

而我今日，真的體現了這「窄窄地」一詞...... 這次體現都有少少沉重的打擊架...

因為......
知道我的音域實在真係窄窄地，而氣量又真係窄窄地...... (我諗係因為我未識用氣而且又好緊張，將高音都變成假的了，我諗我應該去到架．) 嗚...嗚...嗚... >_<  我會繼續努力唱的！

p.s. 多謝你！多謝你的稱讚，係你讓我感到點安慰。我會做個音域窄窄地但又唱歌好好聽的人 ~hahaha~ 

幹活於無乜同事的'潭'中，我都已經習慣，就算係其他'場'，其實咪又係差唔多，同事這感覺對我黎講比較奢侈吧。

不過，近期黎咗個新同事補回以前的空缺，我們同事之間交流多咗，可能是因為人手充足的關係呱，也可能是因為開始知道同事的特質，所以慢慢開始溝通。　這輕微的一步，已經讓我感覺到有個好同事的感覺真係幾好，就好似多咗個朋友咁，係公司閒時有傾有講，平日又可以有個照應，起碼唔係卸嘛。　（咁當然，有個好同事都唔及有個好＆睇你的上司啦，我咁命薄，都唔會恨le d啦。)

見同事咁晏都未走，我都會叫佢快d收工，因為工作le家野長做長有，無謂捱壞自己，返完overnight，更係唔可以太晏先走啦，真係會做到頭暈暈架。 佢臨走前都黎講聲bye bye ~haha~ 感覺幾好。

p.s. 這個好會否言之尚早，anyway及時行樂，懂得珍惜現在就好了。 咁當然都要留意一d啦!

我是斯德哥爾摩症侯群的病重者，若我能早點醒覺，就早應該狠狠的給他一把耳光。

這是我的絕望；這是我的願望~

待續......

在繁忙的生活裡，誰都想把多餘的、礙事的、煩悶的、遲緩的、痛苦的...... 都一一刪去，以最快最方便的途徑達到自己的目標。  如果你真係可以有一個讓你自己選擇及控制時間的遙控器，你會高興嗎？　而好奇的我定會盡情去使用這新奇又神奇的產品，因為每個人都有好奇心嘛，至於後果，都可能係用到先知lur ~haha~ ^^ 但我的目標決不會為咗工作囉~ 可能這就是男女有別罷。

但你有無諗過，你的目標，真的是你想要的嗎？　你現在的目標，又是你一生的目標嗎？　你憑甚麼準則去衡量生活片段的重要性呢，就好似洋蔥一般並不起眼的食物，只要把它炒香煮透，它也會是美味的食物，甚至有機會成為「洋蔥圏」這主角。

如果你生活都是這樣的庸庸碌碌，你就應該停下來，睇一睇這傢伙的故事。
如果你想成為一個成功的人，你都可以睇吓這傢伙成功的例子，睇睇你的價值應如何定位。

我覺得這是一個令人反思的機會，這傢伙無必要復活過來去重演，因為生命就只有這一次，錯過了就回不了。
不過這天馬行空的橋段，這傢伙無心之失都可以比多次機會o既。 尤其在這娛樂式的電影裡，容讓你輕鬆的回望，都不失為一件好事，無需要太heavy。

p.s. 一連睇兩套vcd，都真係無乜幾何~

現在好少睇戲的筆者，久唔久都會睇吓戲或者買吓vcd番黎睇，不過就好少寫喇。　這是因為感覺少了點，熱情少了點，精神差了點......

一個發生於18世紀法國的故事。初頭我以為係一套懸疑片，拍下那變態的如何把女人變做香水的鬼異，但原來並非這一回事。

中世紀的法國讓筆者想到的都是華麗虛榮，要戴假髮及化粧，就好似瑪莉皇后般奢華。　但原來有富必有貧，而且當中都會有著相當大的距離，在這貧富懸殊的社會底下，必有怪異的事情發生。　在貧窮區內人命如草芥，有日一天生異品臭覺靈敏的小朋友在這臭氣薰天污穢不堪的市井內出世，他這不祥的人會為身邊的人帶來不幸及死亡，母親就是因為他而死亡。　這無父無母的就被送到孤兒院去，那時的孤兒院就如同廉價勞工收集場，只要夠一定的歲數便要做苦力，在媒灰路及漂染加工的工廠內工作，每天工作15小時。　就算再艱苦也需要活下去，靈敏的臭覺帶他去認識這污穢的世界，更帶領他享受大自然的香氣。　人長大了，慾望無盡，也因為他這天生靈敏的臭覺，對香氣的追求及渴望都會異於常人，一次的機會，就讓他發揮所長，步進了製作香水之路。　植物精油的香氣他已經習慣，沒有溫度沒有情愛的味道未能滿足他深處的慾望，他想擁有世上所有的氣味，包括你和妳身上獨一無二的香氣，他也想調教出世上極致的香氣，令人飄飄欲仙的香氣。

一個人在電腦前看，真的有點寒(因為今日的天氣實在凍了很多)。　那種深沉的氣氛和那污穢的場景，加上窗外呼呼風聲和寒冷的氣溫，構出了令人望而生畏場景，好像整個人陷入了他那神經質的世界。　到了最後，一幕壯觀的慾慾場景，令我感到不安，容我學習別人的一句「我的身理不及我的心理來得切反應」，望著這慾慾的場景你就會反思到人生的追求，是一個目標？是一個過程？是一種享樂？但原來最重要的卻是一種愛與被愛的感覺。　
一個不停努力鑽研及爭取自己所喜愛的人和事，會有問題嗎？　在爭取的過程中得不到人類道德標準的認同，亦未能尊重及珍惜別人的生命，把自己的一切視為最大，這是罪大惡極嗎？　但人的本性，不就是這樣嗎？　那慾慾的場景，也不就是想告訴你，人性本惡嗎？　究竟甚麼跟甚麼才是人類道德的標準？　是你定的？ 是我定的？ 是大家一齊定的？　大家一齊定，就會是對的/絕對的嗎？

人類只是披著道德人皮的獸，在這道德的規範裡，你活得快樂嗎？
但我相信，在道德的規範裡，起碼可以活得安樂一點點吧！
在這短短幾十年的人生中，你渴望的又是甚麼呢？

歌林多前書十三章
我若能說萬人的方言，並天使的話語，卻沒有愛，我就成了嗚的鑼，響的鈸一般。
我若有先知講道之能，也明白各樣的奧秘，各樣的知識，而且有全備的信，叫我能夠移山，卻沒有愛，我就算不得甚麼。
我若將所有的賙濟窮人，又捨己叫人焚燒，卻沒有愛，仍然與我無益。